Прырода – гэта вялікая таямніца для кожнага чалавека. Размова з ею дорыць нам радасць, адчуванне спакою, дапамагае прыслухацца да сябе.

Я вельмі люблю зіму. Гэта белая казка! Усё занесена снегам, які на сонцы блішчыць, а ноччу пераліваецца ў свеце ліхтароў. На вокнах красуюцца ўзоры. Мяккі пушысты снег, роўным пластом пакрывае ўсю зямлю. Ён паўсюль: на лаўках, на дрэвах, на дахах дамоў.

Дрэвы нагадваюць яблыкі ў квецені. Былыя, белыя! І толькі на некаторых з іх віднеюцца чырвоныя ягадкі рабіны. Вароны, сініцы, снегіры прылятаюць пачаставацца гэтай ежай.

Прыбраная пад шапкай снегу стаіць елка.

Чыстае паветра пахне холадам і марозам.

Зімовая прыгажуня! Няма ў свеце больш дзіўнай і прыгожай пары года, чым зіма.