Рубрика «Роднае слова»

Вывучэнне літаратуры – не проста захапляючае чытанне, задавальненне сваёй цікаўнасці. Гэта яшчэ і перажыванні, і напружаная праца думкі, скіраваная на тое, каб узбагаціць нашы ўяўленні аб жыцці, глыбей пазнаць тое, што адбываецца навокал, лепш разумець людзей. Гэта адначасова і неабходнасць пранікнуць у таямніцы мастацкай творчасці, у сакрэты пісьменніцкага майстэрства.

На ўроках беларускай літаратуры васьмікласнікі пазнаёміліся з такім вершаваным жанрам, як актава ( васьмірадковы верш, які часцей за ўсё пішацца пяцістопным аба шасцістопным ямбам і рыфмуецца па схеме абабабвв), і паспрабавалі свае сілы ў паэтычным майтэрстве. Прапануем вашай увазе лепшыя вершы.

Наталля Міхайлаўна Саўрас, настаўнік беларускай мовы і літаратуры

Карэлін Дзмітрый, 8 «Г» клас

Сяброўства

Сяброўства – гэта вера і сумленнасць.

За сябрам, як за каменнай сцяной.

Сяброўства – гэта вернасць і надзейнасць.

Калі сябруеш, то ўсёй душой.

Сяброўства – гэта праца і адданасць

Таму, з кім думкай ты жывеш адной.

Знайсці сяброў – нялёгкая навука,

Каб з ім у жыцці ісці рука аб руку!

Вінярская Ульяна, 8 «Г» клас

Актава

Купілі хамяка, прынеслі ў хату,

Набылі клетку, корм. Усё, што трэба, ёсць.

Так ён, маленечкі, руды, калматы,

Стаў у доме, быццам гаспадар, зусім не госць.

Прыйшлі ў жыццё яму, здаецца, святы -

Ніводзін клопат не азмрочыць лёс.

Але ці шчасце ёсць у існаванні -

Нявольным, без турботаў і кахання?

Васілевіч Уладзімір, 8 «Г» клас

Імчыць стралою мой веласіпед,

Наперадзе няведамыя далі.

Гляджу, не трапіць як у кювет,

Бо моцна націскаю на педалі.

Вакол мяне вялікі свет,

Не проста мне яго аддалі.

Бясспрэчна, што камфортней мерсэдэс,

Але на ім па сцежцы не заглянеш у лес.

Кліменка Вераніка, 8 «Г» клас

Свяціце вы – кахання нашага агні,

За гэтай патаемнаю мяжою.

Зліваюцца ў адзінае гады,

Пражытыя з сумленнем і таскою!

Загадкава гучыць у цішыні

Стук сэрца, абліваючысь крывёю.

Каханне – гэта свет ад лямпы ўначы,

Крыніца радасці і болю.

Станішэўская Вераніка, 8 «В» клас

Сон

Я памятаю цёплы дзень,

Калі спаткаліся з табою.

І леса нас хавала цень

Сваёй цудоўнаю красою.

А кветкі апляталі пень,

Нібы зялёнаю красою.

Але ўсё было як сон,

Чароўнай песні перазвон.

Мароз Елізавета, 8 «В» клас

У зімовым лесе

У зімовым лесе цішыня!

Стаяць яліны нерухома,

Зачараваныя глядзяць,

Іх маніць вышыня.

І чалавечая туга ім невядома.

А пад бярозкай скокнуў белы зайчаня -

Усё тут родна і знаёма.

Бягуць, плывуць па небе хмары,

І радасць адбіваецца на твары.

Барадаўка Антон, 8 «А» клас

Зімні сон

Устала рана сонейка

над горадам маім.

А хлопчык і дзяўчынка

смяюцца разам з ім.

Імчыцца ўніз сняжынка,

каб абдымаць сваім

чароўным зімнім сном

прыроду за акном.